عرب وماسنجر ما بيزبط

مرحبااااااااااااااااااااااا
يا جماعة انا نفسي افهم اللي اخترع المسنجراخترع معو حالات للمسنجر حسب حالتك انت يعني
ازا كنت مشغول بتحط مشغول Busy وازا كانت برة مو قاعد عالجهاز بتحط بالخارج Away
وهيك يعني

بس سبحان الله يا عالم
في ناس ولا الها خص ولا كأنو الواحد حاطط شي
الله اكبر يا بشر
الواحد بكون مش شايف الضو وبنطلك واحد بحكيلك
>>>
اها شكلك مشغول
اها بس حبيت اسلم
اها بدكش ترد
اها شكلك مشغول عنجد
اها طيب خلص
اها اوك يلا سلام
>>>>
لااااااااا وفوق هاد بطلعوا زعلانين
حاطين بيزي ( مشغول ) وجاي الاخ يسأل >> اها شكلك مشغول <<

لهيك في تفسسير وترجمة الحالات الى العقل الفلسطيني

اول وحدة اون لاين
هاي الحالة بتحطها ع مسنجرك لما تكون قرفان حالك وما في حدا تحكي معو وما في شي تعملو وبدك تتسلى ع هالشعب
بتحط اون لاين قال يعني الاخ فاضي وما في ورا شي


الحالة التانية بيزي مشغول Buzy
بتحط بيزي ع المسنجر لما بدك تحكي مع ناس معيينين او تعمل شغل مهم او بتعمل بشغل مهم ومش معني بالباقي اللي ع المسنجرفـ بتحط بيزي وبتحلقلهم عشان ما حدا يقرب عليك

لااااااااااا وبطلعلك الاخوة الكرام وبحكوا(((عارفين افلامك ))
ههههههههههههههههه


نيجي لتالت حالة بي رايت باك سأعود حالا Be right back
هاي بتحطها لما بدك تضرب اخوك بهدله او لما بدك ترمي حدا من البرندة اوبدك تاخدلك سيجارة
يعني لزوم الفشخرة والموضة

رابع حالة بالمسنجر أوي بالخارج Away
هادي يا سيدي ببتنحط لما تكون حضرتك فوق لسطوح وبدك ست سنين لترجع ع جهازك
وبرضو ازا نمت وبدك الكل يحكي معك عشان تتقل يعني واتحس انو الك قيمة ووزن
بتترك ايميلك شغال وبتحط اوي ووبتضوي
وطبعن الكل بفهم انك انت بتتخوت عليهم وحاطت بالخارج عشان بدكاش تحكي معهم
وبصير يحكو معك ولك وينك هاي مرحبا يا دب هاي مرحبا كيفك
وانت طبعا مركن
رح ينسطحو وهمى يحكو مع حضرتك
وانت تاني يوم بتيجي بتشوف المسنجر بتلاقي عشرطعش بني ادم حاكي معك ومنسطح وهو يحكي ويقول ويحكي مع حالو


خامس حالة بالمسنجر ان كول In call يعني مرتبط بمكالمة الاخ
بيس بيس مان
بتحطها هاي لما يجيك تلفون او تكون تبرم ع التلفون / طق حنك بالعرربي
بتحط ان كول عشان الكل يعرف انو عندك تلفون وفي كرت وقال يعني انا بحكي شوفوني بحكي ع التلفون
كأنو فش حدا قدك
بس معلش بطلعلك تشوف حالك الايام هاي قليلل اللي معا كرت


للحالة السادسة اللي هي اوت تو لنش يعني خارج للغداا Out to lunch
طبعا هاي الحالة معروفة لشو صح ؟
طبعن الحمدلله هاي الحالة ما بنشوفها الا وقت لفطور او وقت العشا
من كتر مأحنا مثقفين وخبرا بهيك قصص
بنحط اوت تو لنش يا وقت العشا يا الفجر وقت لفطور يعني وبرمضان بتلاقيها وقت لفطور ولسحور اوت تو لنش
وين كاين ؟ والله كنت افطر


الحالة السابعة الظهور دون اتصال يعني أبير اوف لاين Apear ofline
يعني بالعربي متخبي موجود ومش موجود ولما تكون قرفان الدنيا وقرفان العالم بتحط ابير اوف لاين
بس وين يابا وين
ضلو الشباب ورا المبرمجين ليخترعولهم شي برنامج يكشف الاوف لاين واللي متخبي
ليزقطو من ذينييييييي ويطلعوو خاوا اون لاين
ولا يابا الدنيا تطور وتكنولوجيا ولا وين عايش انت
لا تخافش لحد الان ما في شي يكشفك انك متخبي واوف لاين
شي واحد في بس بكشفك وبكشف اللي خلفك كمان
ببعت ندج للشباب وبحكيلهم تعالو الاخ متخبي هجوووووم
وبصيروو يبعتولك مسجات اوف لاين
متخبي يا جبان متخبي يا نعجة
تعال اون تعال والله لنقرفك تعال يا نعجة
وحضرتك بتصير تحكي مع حالك
كيف عرفو هدول اني متخبي
وبتروح من تياستك بتسألهم كيف عرفتو اني اوف لاين
وهمى بنكشو عليك راس وبحكولك مخ يابا مخ
وهو لا مخ ولا بطيخ امبسمر يا أهبل


الحالة المهمة للجميع الحالة التامنة ساين اوت تسجيل الخروج sign out
لما تفقع مع حضرتك وبدك تسكر الجهاز تعطي غفوة لأنك طول لنهار عليه مقرفه عيشته للكمبيوتر
يعني ع النووووووووووم يعني فراقك صعب اكيد

ختامها مسك يعني

الخلاصة : قرفك المسنجر سكرو خليه يرتاح .


والله لو يعرف اللي اخترع المسنجر لينتحر بكاسة زيت مازولا صيني
يا اما رح يشرب سطل خردل تفاح

وما تشوفوا شر