النكبة الثالثة

النكبة الثالتة الفلسطينية


لم يعد خفي على اي مواطن وشاب فلسطيني ما بعكر صفوة قلوب هذا الشعب وما يشغل بالة من حالة الانقسام التي تسود ارض فلسطين سواء في غزة او الضفة


وما حصل بلامس بمدينة قلقيلية وخصوصا في كفر سابا من اغتيال نشطاء القسام ومقتل عناصر الامن ومقتل اناس ليس لهم علاقة من اصحاب البناية وغيرها

برايك انت كشاب او كفتاة فلسطينية ما نظرتك لما يجري ويدور في الارض الفلسطينية


وما هو الحل للخروج من المازق ومن الشرخ الكبير بين الاخوة في حركتي فتح وحماس

وهل ما حصل في قلقيلية هو مقبول وجائز بحجة حماية المواطن

ومن بنظرك يتحمل المسولية حتى حادثة امس


اتمنى النقاش الجاد والفعال والابتعاد عن النظرات الحزبية والتعليقات التنظيمية القزمية تحياتي للجميع

مشكور سيد الكلمة على طرحك الي اصبح حديث الساعة

اول شي اكيد انا ضد الانقسام والاشتباكات الي بتحصل لانو حرام وعيب على شعب محتل ينقسم لفريقين ويصيرو حتى اشد من الاعداء

انا مش مع حدا لانو اي اثنين بوقفو ضد بعض فاعرف انو كلاهما على خطأ

والي صار بقلقيلة في روايتين وانا مابصدق ولا وحدة لانو كل طرف الو مصالحه الي بيستفيد بالاخر من وراها

وبرأي الي صار كان الهدف من ورا اعادة الاحداث والانقسام للواجهة لانو الشعب بلش نوعا ما يتناسى الخلاف وهاد الي الطرفين ما بدهم اياه يحصل لانو بيقضي على مصالحهم

وبالنهاية الحادث الي صار الي راحو فيه كانو ضحايا سواء من الشرطة او المطلوبين
لانو
الشرطي فرد بتلقى الاوامر وممكن فهموه الوضع بصورة معاكسة لحتى يدفعو للقيام بعملو الي ممكن يسموه واجب وطني

والمطلوبين ضحية للخلافات الي حاصلة بين فتح وحماس والعملاء وسيطرة الاحتلال

والله يعينا على هالوقت
والله لايحكم ولا وطرف فيهم بشعبنا لانو كلاهما مابيعرف شو يعني شعب وشو يعني الانسان وكل واحد بدو يطبق مصالحه على حساب هالشعب


الحل انو الشعب ينتفض ضدهم وينسى شي اسمو فتح وحماس ويتعاملو مع بعض بعيدا عن الحزبية او التنظيم وبالنهاية الي حاصل مش بارادة الشعب هاد مخطط وموضوع من قبل الاحتلال لحتى يوقعو الشعب ولحتى الي ما بيقدرو ينفذوه يتركوه للشعب يقومو فيه بديل عنهم
وهاد الي حصل بقلقيلية
باختصار


تحياتي

مشكورة اكتير سلمى على وجهة نظرك المحترمة تحياتي الك

والله ما بعرف الواحد شو يحكي يعني الشرطي ابن عمك وهداك ابن خالك هيك كلهم مترابطين مع بعض وازا مو مرتبط هاد ابن مدينتي او ابن الحي اللي انا في او القرية وهداك من نفس الشي يعني حرام والله حرام كل يلي بصير دم المسلم على المسلم حرام
كله هالشغلات فتن وتحريض لازم نوعى وما ننقاد وراء الفتن والتحريض من اي كان احنا ابناء شعب واحد وبلد وحده لازم نتوحد على العدو والغريب مش على بعض نتشاطر احنا لازم نبين بيوم الشده والله يهدي الجميع لطريق الحق والصواب

سلمى حكت بما فيه الكفاية

ومشكور على طرحك لهيك موضوع
دمت بود

الله يجيب ويولي الي فيه الخير لانه الشعب مو ناقصه فوق همه هم اولاده
وطبعا كل الي بصير فتن من قبل العدو والله يهدي البال ويوحدنا ونصير شعب مثل هل شعوب