ابتسم فانت في مدينة الخليل

اذا بيوم من الايام حضرت عرس ... ونزلت الشباب عالدبكه وبلش العرق يزرب ، وحميت مع أبو فلان وسحب الكلاشنكوف وطررررررر ..، بلش طخ عن ابو جنب وطرف وهو برقص وبدبك ... وسقط ثلاث شهداء من جراء القصف ، العشوائي ..... ابتسم .. انت بتحضر عرس خليلي.

اذا تجوزت .. والناس واقفيتلك عالمسطره بتستنا أسبوع العسل لما يخلص ، عشان يفيعو عليك ويهجموا هجمة رجل واحد .. وكل واحد فايت يا بجيبلك طقم فناجين قهوه .. يا صينيه . ، وبالآخربتحوشلك سبعط عشر طقم قهوه .. واحدعشر صينيه ..بتكون بتمارس واجباتك
الاجتماعيه بالخليل ..... ابتسم
.
ازا و انتا بيوم من الايام كنت ماشي و لاقيتت سيارتين تلاتة ماشيين ع** السير (طبعا اتأكد
انك ماشي بشارع الحاووز التاني عند الضاحية) ولا تستغرب هادا منظر طبيعي جدا في الخليل


ازا ليوم و انتا راكب في سيارة الاشارة حمرا و الشوفير بدو يزرء و بتقولو دير بالك الشرطي واقف قدامك..و قلك شو يعني و ضل داعم انا ببصملك بالعشرة انك بالخليل


ازا و انتا ماشي ولقيت الأزمة لأبو موزة و الشرطة واقفة ...و وين ما في أزمة و ما احلاها واحد تاع تكاسي بنظم السير برضو لا تتعئد انتا يا عمي في الخليل

اذا كنت قاعد على مكتبك بوظيفتك .... وكل المراجعين اللي اجوك طلعو يا قرايبك يا نسايبك يا مخولك ( من طرف اخوالك يعني) وكل واحد الا يسألك بتعرف فلان الفلاني .... هذا ابن عم جدتها لبنت عم مرة أخوي اللزم هاتلك بوسه يا رجل .. اممممموا .. اممممممممممممممموا .. ابتسم .. فانت في الخليل

اذاكنت ماش بسيارتك مستعجل بدك تلحق موعد .. ولا الشارع مليان سيارات عن اليمين والشمال ... امشي ... امشي . امشي ... والسير يالله ماشي ...فجأه بتشوف هالسياره المزينه ... وكلها ورد وشبر.. والعريس النضوه حاط نيوترال وداحل ...ليش السير شبه واقف .. لانه ل واحد من المحترمين اللي بالزفه بده يوقفله خمس دقايق جنب سيارة العروس يصفقلهم شوي وينظر النظره الاخيره او الوداع الاخير للعروسه نيال ابوها .. اذا صار معك مثل هذا الموقف ... مش تبتسم بس ... اضحك واقلب ع ظهرك ...انت بالخليل يا عمي .

اذا كنت بصلاة الجمعه ... كلك ايمان وخشوع بعد الخطبه المؤثره ..، والامام صوته ما شاء الله بيدغدغ القلوب .. وأول ما سلم الامام ، وخلصت الصلاه سمعت :،أحمر يا زر البندوره ..ب بعشره الب**ه بعشره'، أصابع البوبو يا خياااااااااااار ... أربعه كيلو ببريزه .. يالله يالله' ' عالسكين يا بطييييييييخ ... أحمر أحمر يا يا ابو قرعه ' ، وطار الخشوع ... وفقع قلبك ... وصحتين وعافيه..، ابتسم .... وابتسم .... وخلي طواحينك يبينو ... انت على باب جامع بالخليل على، الارجح جامع الحرس


اذا كنت واقف على الدور باي مؤسسة او بنك واجا واحد من فوقيك خلع رقبتك ، وقلتله يا عمي الدور مش الك ، ورد عليك الموظف ابن عمي بس بدي اساله سؤال وبتمشي اموره قبلك ..... ابتسم فانت مليون بالمية في الخليل

اذا كنت واقف على الاشارة الضوئية ولسا باقي 5 ثواني لتقلب برتقالي مش اخضر لسا ، بتسمع 20 زمور هوا من وراك و20 واحد بصيح عليك امشي او ادحل لأدام ، اعلم علم اليقين انك بالخليل

اذا واحد طب بحدا ماشي بالشارع وصارت مشكلة وبعد اقل من 5 دقائق كان في 100 مسلح بعصا او مفك وبصيحو بدنا نحرق ون**ر ( من الطرفين ) وتاني يوم بتقرا في الجريدة صك عطوة بين الطرف وكرم وتسامح عربي اصيل واسقاط الحقوق لوجه الله ورسوله ثم للجاهة الكريمة ، تيقن انك بالخليل

اذا كل ما البلدية زفتت شارع او قرنة بالبلد وتاني يوم قرات بالجريدة تهنئة بتكلف 700 $
لرئيس البلدية ومهندسين البلدية وعمال البلدية ونسايب اللي بشتغلو بالبلدية ، يهنؤونهم عل على عملهم الدؤوب في تطويرالبلد والعمل على ازدهارها ، فاعلم انك بالخلـــــــليل

اذا كنت بتطالب بحساب الك من 'س' من الناس ورحتله بعد 25 الف موعد وشهق وصاح فيكي وقالك ، الله اكبر هو انا م**ورلك ، اعلم انك بالخليل

ازا كل ما تزفت شارع و تاني يوم رأسا شفت الباجر دج دج دج دج ئاعد بحفر في الشارع الجديد ال شوووو نسيو يمددو كهربا ....اول ما يخلصو هالحفر برقعو الشارع من أول و جديد...و اول ما يترقع بعد اسبوع غير انتا سامع صوت البااجر دج دج دج ..ال شو

نسينا نمدد مواسير المي...و على هل حال..تأكد انك في مدينة الخليل




والله يا عم أحسن ناس

ههههههههههههههههههه

ازا كل ما تزفت شارع و تاني يوم رأسا شفت الباجر دج دج دج دج ئاعد بحفر في الشارع الجديد ال شوووو نسيو يمددو كهربا ....اول ما يخلصو هالحفر برقعو الشارع من أول و جديد...و اول ما يترقع بعد اسبوع غير انتا سامع صوت البااجر دج دج دج ..ال شو
نسينا نمدد مواسير المي...و على هل حال..تأكد انك في مدينة الخليل
هااااااااااااااااااااااد اهم شي
واكتر شي بيتكرر في الشارع ما بين دوار المنارة ودوار ابن رشد
مشكور ابو المعتصم

هههههههه ابو عرب هاد واللي فيه عاده ما عمره بغيرها
وهاد دليل كبير على الخليل ما في شك

موضوع روعه
دمت بود

على راسي يا ابو عيسى
كل الاحترام

مشكورين جميعا على مروركم

تقبلو تحياتي