ليلى والذيب بالخليلي‎

ليلى والزئب بالخليلي‎

كان يا مكان ايام المشمش والرمان ايام ستي فوزية وسيدي صالح في هديك الايام وفي هداك الزمان

كانت ليلى بتلعب حجله في الكروم في عز الصيف ايام الدبس والخبيصة والعنطبيخ.
إلا ابوها لليلى إعتاز شوية حوّر، آم نادى ليلى : يا ليلاااااا، الله يؤصف عمرك بكفيكي حجل، تعالي هوني أوام... ضفر يخلع نيعك...
اايوا يااابا، شو بدك
أوام زي الطلأ عضار ستك، جيبيلنا كمشة حوّر بدنا نسوي هالراووء... واوعي تعدي طريء الكرومات، يالله أوام فطي...
إلا ليلى استطولت الطريء وألت، طب مهي طريء الكرومات أأرب، وماحدا شايف حدا، خليني أزرء ويا ضار ما دخلك شر.
وفي الطريء، انتبه الزئب انو ليلى رايحه عضار سيدها، ام سبئها ووصل ابلها عالضار... والا هوو دفش الباب بإجره وكانت ستها لليلى اعده بتطبء ورء دوالي... سمعت الباب انفتح.. الت.. انووو هادا... الا الزءب رد بصوطه الحنون.. هادا انا يا ستي.. ليلى..
الجده: ليلاااا.. اعبري يا ستي...
الا الزئب دخل البرنده وغافل ستها لليلى وكوفلها بشرشف الطاوله ودحشها تحت الدوشك... واتخبى في الفرشه محل ما بتنام...
شوي.. الا ليلى وصلت.. دئت الباب.. الا الزئب رد عليها وهو يألد صوت ستها...
الجدة: أعبري يا ستي ، اطرشي الباب بعد ما تدخلي...
ليلى: كيفك يا ستي ........ منيحة
الجدة: اه يا ستي ، منيحة
ليلى: يا الله مأكبر منخارك يا ستي ، ليش هيكد .
الجدة: علشان أعرف أشم الطبيخ يا ستي
ليلى: طب ليش إدنك كبيرة يا ستي .
الجدة: علشان أعرف أصنطلك يا ستي...
ليلى: وليش عنيكي كبرانات
الجدة: شو الدعوة يا ستي ، كماتك مش عارفتيني ، هذا عشان اعرف اشوف خرم الابرة لما اطرز.
ليلى: طب ليش بوزك هيك يا ستي
الجدة: علشان اعرف اكلك يا ستي
ولا الذئب نط على ليلى ، وصارت تصيح ، وتصيح ........
ولا اخوها كاين في المنطقة ......... وفزع على الصوت وهو ماسك هالهراوة ودخل على البيت ونزل تكسير في الذئب وخبط علي لما شرد الذئب
وهيك بكون فزع لاختو ولولاه عليها كان اكلها الذئب
ورجعوا على الدار هم وستهم والحور ، وعملوا عين طبيخ ودبس وملبن

وزبيب وعملو عزايم ومناسف وعاشو بثبات ونبات

ههههههههههههههههههههههه
مشكور يا باشا
بنضل احنا الخلايلة كبار البلد حتى
بالغة
ما فيحدا بتحدانا

بحبك

ههههههههههههههههههههههه
على راسي والله يا مان
شو وين ما بتبيو الا بلمناسبات
والله اشتقنالك
دير بالك على حالك حبي
ومشكور لمرورك

هههههههههههههههههههههههههه
من الاخر صح
يسلمو عاشق
دمت بود

تسلملي هل ضحكه
واهلا وسهلا بك من جديد

مشكور يا باشا